¿Qué é Estudo do Momento?
Estudo Momento é unha produtora de cinema independente e unha compañía de teatro que estuda os principios e técnicas que rexen as linguaxes cinematográfica e teatral e que produce obras para aprender a facer mellores películas.
En 2017 fundamos a compañía de teatro e estreamos a nosa primeira montaxe, 1879. Casa de Bonecas, versión do clásico de Henrik Ibsen. A obra recebe o I Premio Luísa Villalta pola Igualdade que concede a Deputación de A Coruña e inicia unha xira, que continúa actualmente, e que a leva ata Madrid, á escena OFF, cun mes de representacións e éxito de público e crítica.
O seu éxito é tal que nos permite afrontar o ano seguinte a produción do segundo clásico da compañía, Macbeth. O ruído e a furia, unha versión do Macbeth de William Shakespeare a cargo do Premio Nacional de Dramaturxia Manuel Lourenzo.
En 2018 nace a produtora audiovisual, ca curtametraxe Badaladas de Amor e Morte, rodada en branco e negro e 16mm, unha homenaxe ao cinema de Orson Welles e á dramaturxia de Roberto Vidal Bolaño. Este traballo permítenos visitar os principais mercados internacionais, como Clermont-Ferrand e Cannes, e afrontar a produción do segundo gran reto cinematográfico, Balle Voyage, unha homenaxe a Alfred Hitchcock que se rodará en 2021 na cidade de A Coruña.
ESTUDO MOMENTO
A compañía
Somos estudosos do noso oficio, aventureiros creativos en constante procura. Para elo fundamos, en paralelo á produtora cinematográfica, unha compañía teatral, con vocación internacional. Profundamos nos grandes textos do teatro universal para descubrir aqueles principios que nos permiten facer mellores películas.
Shakespeare, Ibsen, Moliére… Afrontamos a montaxe desta primeira triloxía de clásicos para estudar a traxedia, o drama e a comedia.
Actualmente, a compañía atópase en xira dentro da Rede Galega de Teatros e Auditorios, así como en La Red Española de Teatros.
¿Por qué facemos teatro?
"XENTE DE
TEATRO
VAI FACER
CINE."
Así anunciaba o Mercury Theatre a produción
da súa primeira película Cidadán Kane en 1941.
¿CÓMO FACEMOS CINE?
Que converte a unha imaxe en movemento nunha verdadeira experiencia cinematográfica?
O noso campo de estudo vai máis alá do libro e do visionado. Vemos cine, si. Sobre todo cine clásico, o bo. Facemos homenaxes a grandes directores e películas.. Pero non somos imitadores, non estamos intentando encontrar “a fórmula”.
Estudamos momento a momento aquilo que non pode ser revelado.
A nosa filosofía de traballo susténtase en 3 pilares fundamentais:
-
- Planificación: traballamos os nosos proxectos desde o inicio, desde a concepción ata a súa materialización nun deseño de produción. Encántanos visitar as localizacións e debuxar as nosas ideas para facernos entender dunha maneira puramente visual! Retratos de personaxes, storyboards, espazos, atmosferas, ambientes… Fotografías, bosquexos e deseños. Da imaxinación á pantalla hai moitos pasos intermedios. Camiñemos!
-
-
- Equipo: : o cinema e o teatro son un traballo en equipo. Pódese pintar un cadro cun pincel, pero non se pode facer unha película só cunha cámara. Ao menos, o cinema que nós queremos facer. De igual xeito, tampouco queremos vivir de espectáculos unipersonais… En Estudo Momento o EQUIPO o é todo. Se un falla, todos fallamos. Se un acerta, viva el e grazas por estar con nós!
-
-
-
- Ambición: : o talento e o traballo, sen unha mentalidade gañadora, só serven para alimentar a esperanza. Podes traballar e traballar toda a túa vida e non saír da túa zona de confort. Podes ter un talento prodixioso e non buscar nin crear un entorno no que marque a diferenza. Podes facelo todo. Se tes a mentalidade correcta. Aspiramos a proxectos ambiciosos. A escenarios nos que ninguén teña estado antes. Terreos virxes nos que poñer a proba a nosa creatividade.
-
Queres saber máis?
síguenos
